QMİ və Azərbaycandakı Dini Konfessiyalar Anım Gününün 5-ci ildönümünə həsr edilən 5-ci iclası keçirib
Qafqaz Müsəlmanları İdarəsi və Azərbaycandakı Dini Konfessiyalar Anım Gününün 5-ci ildönümünə həsr edilən 5-ci iclası keçirilib.
Crossmedia.az xəbər verir ki, iclas Dövlət Himninin səsləndirilməsi və Quran tilavəti ilə başlayıb.
QMİ sədri Azərbaycan torpaqlarının 30 illik erməni işğalına son qoyan Vətən müharibəsinin başlanmasından beş il ötdüyünü qeyd edib və 5 ildə aparılan işlər barədə çıxışında bildirib.
Tədbirdə “Qiblə Əhlinə Çağırış” nəşri təqdim edilib
Daha sonra Azərbaycandakı dini konfessiyaların birgə Bəyanatı səsləndirilib.
İclasda çıxış edən Milli Məclis sədrinin müavini Musa Qasımlı azad olunmuş ərazilərdə görülən işlərdən bəhs edib: “44 günlük Vətən müharibəsi ilə eyni zamanda məscidlərimiz, sinaqoqlarımız, kilsələrimiz işğaldan azad edildi. Anım Günü bizə hansı şəraitdə torpaqlarımızın işğaldan azad edildiyini xatırlamalıyıq. Prezident İlham Əliyeva ilk çıxışından torpaqlarımızı işğaldan azad edəcəyini bəyan etmişdi. O buna hərb yolu ilə nail oldu. Bu günü bizə bəxş edən müzəffər Ali Baş Komandanımız, Prezident İlham Əliyevdir”.
Daha sonra Dini Qurumlarla İş üzrə Dövlət Komitəsinin sədr müavini Sahib Nağıyev qeyd edib ki, biz 44 günlük Vətən müharibəsində birləşmə nümunəsini bütün dünyaya göstərdik.
Dağ yəhudiləri dini icmasının sədri Milix Yevdayev nəzərə çatdırıb ki, biz torpaqlarımızı azad edəndən sonra ermənilərin bir qarış da torpaqlarına göz dikmədik. O, əcdadlarına Azərbaycanı yəhudilərə məskən seçdiyi üçün təşəkkür edib.
Daha sonra Milli Məclisin deputatları, dini konfessesiyaların rəhbərləri şəhidlərin xatirəsini yad edib, qazanılan qələbənin əhəmiyyətindən bəhs edib.
12:56 24.09.2025
Oxunuş sayı: 1987
