Rusiya “Axios”un İranla bağlı uran iddialarını təkzib etdi
Rusiya Xarici İşlər Nazirliyi ABŞ-ın “Axios” nəşrinin İranla bağlı yaydığı uran iddialarını təkzib edib. Nazirliyin mətbuat xidmətindən verilən açıqlamada bildirilir ki, yayılan məlumatlar “İranın nüvə proqramı ətrafında süni gərginlik yaratmaq məqsədi daşıyan çirkin və siyasiləşdirilmiş kampaniyanın tərkib hissəsidir”.
Qeyd edək ki, “Axios” nəşri Rusiyanın yüksək dərəcədə zənginləşdirilmiş İran uranını öz istifadəsi üçün götürməyə və əvəzində Tehrana yalnız 3,67% və 20% zənginlikdə uran təklif etməyə hazır olduğunu iddia etmişdi.
Sözügedən məlumat daha əvvəl İranın “Tasnim” xəbər agentliyi tərəfindən də təkzib olunmuşdu. Agentlik məlumatlı mənbəyə istinadla belə bir razılaşmanın mövcud olmadığını bildirmişdi.
17:12 13.07.2025
Oxunuş sayı: 7427
