Allahşükür Paşazadə: "Din xadimlərimiz İrəvanda da fəaliyyət göstərəcək"
Azərbaycan Qarabağda dini ayrıseçkilik etmədən bütün dini abidələri bərpa edir.
Crossmedia.az xəbər verir ki, bu sözləri qanvermə aksiyasında Qafqaz Müsəlmanları İdarəsinin sədri Şeyxülislam Allahşükür Paşazadə jurnalistlərə açıqlamasında deyib.
O deyib ki, bu, Azərbaycanın dövlət siyasəti və onun nəticəsidir:
“Azərbaycanda sovet dövründə 17 məscid var idisə, bu gün minlərlə məscidimiz var. Bu şərairi yaradan da dövlətdir. Bu həm də din və dövlət arasındakı münasibətin göstəricisidir”.
QMİ sədri İrəvan qazılığının bərpası məsələsinə də toxunub:
"Bu yaxınlarda İrəvan qazılığını bərpa etdik. İnşallah o torpaqlara da gedəcəyik, orada da məbədlərimizi, ziyarətgahlarımızı, məscidlərimizi bərpa edəcəyik, din xadimlərimiz orada fəaliyyət göstərək”. (Report)
12:20 05.07.2025
Oxunuş sayı: 2522
