İran Qətərə ABŞ bazalarına mümkün zərbələrlə bağlı xəbərdarlıq etdi
ABŞ İrana zərbə endirərsə, Yaxın Şərqdə ABŞ-nin bir sıra hərbi obyektləri hücuma məruz qala bilər.
Crossmedia.az xəbər verir ki, bu barədə “The Washington Post” qəzeti yazıb.
Bildirilib ki, bölgədə İraq, Suriya, İordaniya, Bəhreyn, Küveyt, BƏƏ-dəki bazalar və ABŞ-nin regiondakı ən böyük hərbi bazası olan Qətərdəki Əl-Udeyd hava bazası da daxil olmaqla on minlərlə ABŞ əsgəri yerləşir.
Məlumata görə, Dohadan 20 mil cənub-qərbdə yerləşən Əl-Udeyd hava bazası ABŞ Mərkəzi Komandanlığının (CENTCOM) irəli komanda məntəqəsi kimi xidmət göstərir. Qeyd edək ki, bazada 10 mindən çox əsgər yerləşir.
Həmçinin, İran rəsmiləri bu həftə Qətərə xəbərdarlıq edib ki, ABŞ İrana hücum edərsə, Fars körfəzindəki ABŞ bazaları qanuni hədəf ola bilər.
13:35 20.06.2025
Oxunuş sayı: 5432
