Bazarlar qorxu içində: Müharibə nefti bahalaşdırdı, səhmləri saldı
İsrail ilə İran arasında hərbi toqquşmaların davam etməsi dünya bazarlarına mənfi təsir göstərib. Neftin qiymətində artım müşahidə olunur, Asiya səhmləri isə qarışıq dinamika ilə ticarətə davam edir.
ABŞ-ın bölgəyə döyüş təyyarələri göndərməsi və Donald Trampın münaqişəyə dair sərt çıxışları investorların narahatlığına səbəb olub. Bu isə əsasən enerji və fond bazarlarında dalğalanmaya yol açıb.
Crossmedia.az xarici mediaya istinadən bildirir ki, çərşənbə günü Brent markalı neft 76,12 dollar, WTI nefti isə 74,52 dollardan ticarət olunub. ABŞ prezidenti Trampın İran paytaxtında təxliyə çağırışından sonra xam neftin qiyməti 4 faizdən çox artıb. Bu gərginlik Hörmüz boğazından keçən neft axınlarını da riskə atır.
Asiya birjalarında Nikkei 225 indeksi 0,78 faiz artıb, Hang Seng 1,17 faiz dəyər itirib, Şanxay Kompozit isə 0,3 faiz yüksəlib. ABŞ-da isə S&P 500, Dow Jones və Nasdaq indeksi azalma ilə bağlanıb. Eyni zamanda FED-in qərarı və dolların zəifləməsi də bazarlara əlavə təsir göstərir.
Zəhra Ağayeva
15:13 18.06.2025
Oxunuş sayı: 8786
