Dronlara qarşı yeni strategiya: F-15E 42 APKWS raketilə görünüb
ABŞ-ın F-15E Strike Eagle qırıcısı “anti-dron” konfiqurasiyasında, APKWS II raket blokları ilə görülüb.
Crossmedia.az xarici mediaya istinadən xəbər verir ki, Qırıcı bir qanadının altında 7 raketlik 3 blokla təchiz olunub ki, simmetrik yükləmə ilə ümumilikdə 42 APKWS II raketi deməkdir.
ABŞ Hərbi Hava Qüvvələri husilərə qarşı əməliyyatların başlanğıcından sonra dronları vurmaq üçün lazerlə idarə olunan yüngül APKWS raketlərindən istifadə etməyi düşünürdü. Klassik bahalı “hava-hava” raketləri ilə çox sayda dronun vurulması baha başa gəldiyi üçün ABŞ qismən Ukrayna təcrübəsinə müraciət edib.
Gələcəkdə APKWS raketlərindən həm Ukraynanın yerüstü hava müdafiə sistemlərində, həm də ukrayna qırıcılarında istifadə olunaraq Rusiya “Geran”larına qarşı mübarizədə xərci azaltması gözlənilir.
15:30 01.06.2025
Oxunuş sayı: 8671
