İsrailin Qəzzada yardım paylama nöqtəsinə hücumu: 26 nəfər həlak olub
İsrail ordusu Qəzza zolağının cənubundakı Rəfah şəhərində yerləşən yardım paylama nöqtəsinə hücum edib.
Crossmedia.az xəbər verir ki, “Reuters”xəbər agentliyinin məlumatına görə, İsrailin Qəzza Humanitar Vəqfi tərəfindən idarə olunan yardım paylama nöqtəsinə açdığı atəş nəticəsində azı 26 fələstinli həyatını itirib. İsrail tərəfi hələlik məsələ ilə bağlı rəsmi açıqlama verməyib.
Qəzzadakı xilasedici işçilərin AFP agentliyinə verdiyi məlumata əsasən, ABŞ tərəfindən dəstəklənən yardım bölgəsinə on minlərlə insanın toplaşdığı vaxtda İsrail ordusu atəş açıb. Nəticədə azı 10 nəfər ölüb, 100-dən çox insan yaralanıb.
Qəzzanın mülki müdafiə sözçüsü Mahmud Bassal bildirib: “Yüz minlərlə vətəndaşın olduğu əraziyə İsrail maşınlarından açılan atəş nəticəsində azı 10 fələstinli öldürülüb, 100-dən çox insan isə yaralanıb”.
Mədinə Cəlilova
10:05 01.06.2025
Oxunuş sayı: 11067
