Çin ordusu mübahisəli ərazidə döyüş hazırlığı təlimi keçirdi
Çin Xalq Azadlıq Ordusu Cənubi Çin dənizində Filippinlə suverenlik mübahisəsi yaşadığı Scarborough qayalığı ətrafında döyüş hazırlığı və sahil mühafizəsi təlimi həyata keçirdiyini açıqlayıb.
Crossmedia.az xəbər verir ki, Çin Xalq Azadlıq Ordusunun Cənub Cəbhə Komandanlığının yaydığı məlumata görə, bölgədə dəniz və hava qüvvələrinin iştirakı ilə “döyüş hazırlığı devriyyəsi” keçirilib. Açıqlamada bu fəaliyyətin məqsədinin, Çin tərəfindən öz ərazisi kimi qəbul edilən Scarborough qayalığı ətrafındakı sular və hava məkanına nəzarəti və idarəetməni gücləndirmək olduğu bildirilib.
Çin Sahil mühafizəsi də bölgədə eyni vaxtda qanun mühafizəsi bölgədə eyni vaxtda qanun muhafizəsi təlimi keçirib.
Üçbucaq formada olan və ortasında laqun yerləşən Scarborough qayalığı Cənubi Çin dənizinin şərqində, Filippinlərin şimalındakı Luzon adasından 120 dəniz mili (222 kilometr) məsafədə yerləşir. Çin bu qayalığa “Huangyan”, Filippin isə “Panatag” adını verir.
Son illərdə bu bölgə, Çin və Filippin arasında suverenlik iddialarının üzə çıxdığı və seyrək fəaliyyətlərlə öz ərazi iddialarını göstərdikləri bir məkan halına gəlib. 2012-ci ildə Filippin Sahil Mühafizəsinin qanunsuz ov etdikləri səbəbilə 8 Çin balıqçı gəmisini saxlaması cəhdi Çin Sahil mühafizəsinin müdaxiləsi ilə iki ölkə arasında gərginliyə səbəb olmuşdu. Bu qarşıdurmalardan sonra Çin resif üzərində nəzarəti ələ keçirmişdi.
Cənubi Çin dənizi İkinci Dünya Müharibəsindən sonra region ölkələri arasında suverenlik mübahisələrinin mərkəzinə çevrilib. Çin ilk dəfə 1947-ci ildə nəşr etdiyi xəritə ilə dənizin 80%-nə suverenlik iddia edib. Zəngin yeraltı ehtiyatlara malik bu bölgədə Filippinlə yanaşı, Vyetnam, Bruney və Malayziya da haqlarını tələb edir.
Çinin bölgədə mübahisəli adalarda hərbi bazalar inşa etməsinə, hərbi qüvvələrlə yanaşı mülki donanması vasitəsilə mövcudluğunu gücləndirməsinə həm qonşu ölkələr, həm də ABŞ qarşı çıxır.
Niderlandın Haaqa şəhərində yerləşən Daimi Arbitraj Məhkəməsi isə 2016-cı ildə Filippinin müraciəti ilə verdiyi qərarda, Çinin Cənubi Çin dənizindəki birtərəfli suverenlik iddialarının hüquqi əsasının olmadığını bəyan etmişdi.
Mədinə Cəlilova
10:25 01.06.2025
Oxunuş sayı: 1449
