Yunanıstanda İsrail və ABŞ əleyhinə etiraz: Səfirliklərə yürüş təşkil olundu
Yunanıstanın paytaxtı Afinada, Fələstinə dəstək məqsədilə İsrail və ABŞ səfirliklərinə yürüş keçirilib.
Crossmedia.az xarici KİV-ə istinadən xəbər verir ki, Yunanıstan Kommunist Partiyasına (KKE) bağlı olan PAME İşçi Həmkarlar İttifaqının çağırışı ilə təşkil edilən aksiyada etirazçılar əvvəlcə ABŞ-nin Afinadakı səfirliyi qarşısına, daha sonra isə İsrail səfirliyinə yürüş ediblər.
Fələstin bayraqları daşıyan aksiya iştirakçıları “Fələstin üçün azadlıq”, “Ədalət olmadan sülh olmaz” və “Soyqırım dayansın” kimi şüarlar səsləndiriblər.
Etirazçılar həmçinin Yunanıstan hökumətindən tarix qarşısında düzgün mövqe tutaraq Fələstinə dəstək verməsini tələb ediblər.
Aksiya zamanı iştirakçılar İsrailin səfirliyi yaxınlığında əllərindəki qırmızı boyaları yola töküblər.
Mədinə Cəlilova
11:00 01.06.2025
Oxunuş sayı: 7971
