Con Kennedinin qətli ilə bağlı açılmamış yeni sənədlər AŞKAR EDİLİB
Amerika Federal Təhqiqat Bürosu (FTB) ölkənin keçmiş prezidenti Con Kennedinin qətli ilə bağlı məxfilik dərəcəsi açılmamış yeni sənədlər aşkar edib.
Crossmedia.az xəbər verir ki, bu barədə "Axios" portalı mənbələrə istinadən məlumat yayıb.
Bildirilir ki, FTB Amerikanın 35-ci prezidentinin qətli ilə bağlı təxminən 2 400 sənəd aşkar edib.
Sözügedən sənədlərin heç biri bu mövzu ilə bağlı bütün materialların nəzərdən keçirilməsi və məxfilik dərəcəsinin açılması ilə məşğul olan komissiyaya təqdim edilməyib.
Qeyd olunur ki, FTB ümumilikdə 14 min səhifəlik məxfi sənəd aşkar edib. Sənədlərin məzmunu açıqlanmır.
Kennedinin qətli ilə bağlı ən böyük onlayn arxivə malik olan Meri Ferrell Fondunun vitse-prezidenti Cefferson Morli iddialarla bağlı deyib:
"Bu, olduqca böyük bir inkişafdır. Bu, FTB-nin bu məsələyə ciddi yanaşdığını göstərir".
Qeyd edək ki, yanvarın 23-də Amerika prezidenti Donald Tramp keçmiş prezident Kennedinin qətli ilə bağlı məxfi sənədlərin ictimaiyyətə açıqlanmasını tələb edən fərman imzalayıb.
13:40 12.02.2025
Oxunuş sayı: 7875
