İran: BƏƏ-də düşmənə məxsus iri məlumat mərkəzi məhv edilib
İran Silahlı Qüvvələrinin baş sözçüsü, general Əbülfəzl Şikarçi Birləşmiş Ərəb Əmirliklərində (BƏƏ) yerləşən iri məlumat mərkəzinin məhv edildiyini iddia edib.
Crossmedia.az xəbər verir ki, "Tasnim" bu barədə məlumat yayıb.
Generalın sözlərinə görə, sözügedən məlumat mərkəzi Avropa ölkələri, İsrail və ABŞ-ın dəstəyi və maliyyəsi hesabına 20 il ərzində BƏƏ-də yaradılıb və region üzərində nəzarəti təmin etmək məqsədi daşıyıb.
Şikarçi həmçinin bildirib ki, ABŞ-ın son 50 il ərzində regionda həyata keçirdiyi bütün sərmayələr hərbi bazalarının məhv edilməsi ilə nəticəsiz qalıb.
Bu iddialarla bağlı ABŞ, BƏƏ və ya İsrail tərəfindən hələlik rəsmi açıqlama verilməyib.
17:42 22.07.2026
Oxunuş sayı: 51
