Xarici xəbərlər

Nəim Qasım: Hizbullah tərksilah edilməyəcək

Hizbullahın baş katibi Nəim Qasım təşkilatın silahsızlaşdırılması ilə bağlı çağırışları qətiyyətlə rədd edib.

Crossmedia.az bu barədə xarici mediaya istinadən xəbər verir.

Qasım bildirib ki, Hizbullah öz silahlarından imtina etməyəcək və qruplaşmanın tərksilah edilməsini nəzərdə tutan heç bir plan qəbul olunmayacaq.

Onun sözlərinə görə, İsrailin son illərdə həyata keçirdiyi hərbi əməliyyatlar və təzyiqlərin əsas məqsədi Hizbullahı zəiflətmək və onun fəaliyyətinə son qoymaqdır.

Hizbullahın baş katibi Nəim Qasım, həmçinin ABŞ vasitəçiliyi ilə müzakirə olunan Livanın cənubunda “sınaq zonaları” yaradılması təşəbbüsünü də rədd edib.

O əlavə edib ki, İranın dəstəyi davam edir və son müharibənin məqsədlərindən biri İrana təzyiq göstərmək idi, lakin onun fikrincə bu planlar nəticə verməyib.

🖨 Çap et

16:28 18.06.2026

Oxunuş sayı: 47