Xarici xəbərlər
Pezeşkian tənqidlərə Azərbaycan atalar sözləri ilə cavab verdi
İran Prezidenti Məsud Pezeşkian “İslam şuralarının mövqeyi və xalqın Konstitusiyada iştirakı” mövzusunda keçirilən konfransda çıxışı zamanı ünvanına səslənən tənqidlərə münasibət bildirib.
Bu barədə Crossmedia.az xarici mediaya istinadən xəbər verir.
Prezident qeyd edib ki, səsləndirilən bütün iradları diqqətlə dinləyib, lakin artıq öz mövqeyini ifadə etməyin vaxtı çatıb:
“Danışdınız, tənqid etdiniz — mən dinlədim. İndi mən danışanda siz də dinləyin. Dediklərimə görə üz-göz əyməyə ehtiyac yoxdur”.
Çıxışının davamında Məsud Pezeşkian tənqidçilərinə Azərbaycan atalar sözləri ilə cavab verib:
“Əyri oturaq, düz danışaq” və “Adını qoydum Rəşid — birini de, birini eşit”.
Prezident bu ifadələrlə birbaşa həqiqəti deməyin və başqasından dinləməyi tələb etməzdən əvvəl özünün də dinləməyi bacarmasının vacibliyinə diqqət çəkib.
Mehriban İbrahimli
16:05 06.01.2026
Oxunuş sayı: 3469
