Ermənistan qonşulardan yanacaq alsa, 80–100 milyon dollar qənaət edər
Ermənistan parlamentinin deputatı Xachatur Sukiasyan ölkənin enerji təminatı ilə bağlı müzakirələr zamanı yanacaq idxalının şaxələndirilməsinin vacibliyini vurğulayıb. Onun sözlərinə görə, hazırda yanacağın əsas hissəsinin uzaq bazarlardan alınması həm logistika xərclərini artırır, həm də qiymətlərin bahalaşmasına səbəb olur.
Bu barədə Crossmedia.az xarici KİV-ə istinadən xəbər verir.
Deputat bildirib ki, əgər Ermənistan istifadə etdiyi yanacağın təxminən 80 faizini qonşu ölkələrdən idxal etsə, nəqliyyat və vasitəçi xərclərinin azalması hesabına illik 80–100 milyon dollar həcmində vəsaitə qənaət etmək mümkün olar. Bu qənaət dövlət büdcəsinə əlavə yükün azalmasına, həmçinin yanacağın daxili bazarda daha stabil qiymətlərlə təklif olunmasına şərait yarada bilər.
Türkanə Məşədiyeva
15:56 06.01.2026
Oxunuş sayı: 2600
