Rusiya Müdafiə Nazirliyi: Son 24 saatda 360 dron və 2 HIMARS raketi vurulub
Rusiya Müdafiə Nazirliyinin məlumatına görə, son 24 saat ərzində ölkə ərazisi üzərində 360 sabit qanadlı pilotsuz uçuş aparatı (PUA) məhv edilib.
Crossmedia.az bu barədə xarici KİV-ə istinadən xəbər verir.
Məlumata görə, hava hücumundan müdafiə qüvvələri, həmçinin iki hava bombası və iki HIMARS raketini zərərsizləşdirib. Ən çox dron 29 ədəd olmaqla, Bryansk vilayəti üzərində vurulub. Belqorod vilayəti üzərində 15, Yaroslavl vilayəti üzərində isə 13 dron məhv edilib.
Nazirlik əlavə edib ki, xüsusi hərbi əməliyyatın əvvəlindən indiyədək Rusiya qüvvələri 670 təyyarə, 280-dən çox helikopter və təxminən 108 min pilotsuz uçuş aparatını sıradan çıxarıb.
Qeyd olunub ki, ötən gecə Moskva vaxtı ilə saat 23:00-dan 07:00-dək Rusiyanın 22 bölgəsində 129 Ukrayna dronu məhv edilib. Həmin dövrdə Novqorod vilayəti üzərində 10, Smolensk vilayəti üzərində 9 PUA vurulub. Kursk və Penza vilayətləri üzərində 7, Tver vilayəti və Başqırdıstan Respublikasında isə 6 dron zərərsizləşdirilib.
Nəzrin Abbas
15:11 06.01.2026
Oxunuş sayı: 2438
