Xarici xəbərlər

Türk dünyasına töhfə verən ziyalılar Valeh Hacılar Vəqfi tərəfindən mükafatlandırılıb

Türkiyədə fəaliyyət göstərən Valeh Hacılar Beynəlxalq Elmi-Mədəni Araşdırmalar Vəqfi 2025-ci il üzrə “Türk Dünyasına Xidmət” mükafatlarına layiq görülən şəxslərin adlarını açıqlayıb. Mükafatlar türk dünyasının elmi, mədəni, ədəbi və ictimai həyatına uzunmüddətli və dəyərli töhfələr vermiş ziyalılara təqdim olunur.

Bu barədə Crossmedia.az xəbər verir.

Vəqfin qərarına əsasən, bu il mükafata professor Bədirxan Əhmədli, professor Asif Abbasoğlu Hacılı, professor İsenbike Togan, professor Onur Er, dr. Orxan Aras, şair Rafiq Hümmət və şair Azər Sani Qafarov layiq görülüblər.

Qeyd edək ki, Valeh Hacılar Beynəlxalq Elmi-Mədəni Araşdırmalar Vəqfi hər il türk dünyasının ortaq dəyərlərinin qorunması, elmi araşdırmaların və mədəni əməkdaşlığın təşviqi məqsədilə fərqlənən elm və sənət adamlarını mükafatlandırır.

Türkanə Məşədiyeva

🖨 Çap et

18:15 02.01.2026

Oxunuş sayı: 6097