ABŞ Azərbaycanla strateji tərəfdaşlığı davam etdirməyə hazır olduğunu bəyan edib
ABŞ Cənubi Qafqazda sülhün, rifahın təşviqi və regionun iqtisadi potensialının reallaşdırılması məqsədilə Azərbaycanla sıx əməkdaşlığı davam etdirməyə hazır olduğunu açıqlayıb.
Crossmedia.az bildirir ki, bu barədə ABŞ-nin Azərbaycandakı səfirliyi X sosial şəbəkəsində paylaşım edib. Məlumatda qeyd olunub ki, dünən ABŞ və Azərbaycan tərəflərinin yüksək vəzifəli nümayəndələri Vaşinqtonda avqustun 8-də keçirilmiş tarixi sülh sammiti çərçivəsində imzalanmış Anlaşma Memorandumunun icrasına başlamaq üçün yaradılmış ikitərəfli işçi qrupunun ilk iclasını keçiriblər. Sammitdə ABŞ prezidenti Donald Tramp da iştirak edib.
İclas zamanı tərəflər regionda nəqliyyat və iqtisadi əlaqələrin gücləndirilməsi, ticarətin inkişafı, iqtisadi investisiyaların artırılması, o cümlədən süni intellekt və rəqəmsal infrastruktur sahəsində layihələr, eləcə də təhlükəsizlik sahəsində əməkdaşlığın genişləndirilməsi məsələlərini müzakirə ediblər.
Səfirlik vurğulayıb ki, ABŞ prezident Donald Trampın sülh və rifaha yönəlmiş baxışını dəstəkləmək və Cənubi Qafqazın böyük iqtisadi potensialını üzə çıxarmaq məqsədilə Azərbaycanla etibarlı və dəyərli strateji tərəfdaş kimi sıx əməkdaşlığı davam etdirməyə hazırdır.
12:20 20.12.2025
Oxunuş sayı: 1343
