İran “Shahed 161” pilotsuz uçuş aparatının mühərrikini sınaqdan keçirib
İslam İnqilabı Keşikçiləri Korpusunun (SEPAH) Hava-Kosmik Qüvvələrinin pilotsuz uçuş aparatları üzrə mütəxəssisləri “Shahed 161”dronunun mühərrikini sınaqdan keçiriblər.
Crossmedia.az bu barədə Mehr agentliyinə istinadən xəbər verir.
“Shahed 161” SEPAH-ın pilotsuz aviasiya sahəsində mühüm nailiyyətlərindən biri sayılır və müxtəlif tapşırıqları yerinə yetirmək qabiliyyətinə malikdir.
Dronun uçuş məsafəsi 150 km, qalxış çəkisi 170 kq, uçuş müddəti 2 saat, maksimal uçuş hündürlüyü 26 000 fut, maksimal kruiz sürəti isə 135 km/saat təşkil edir.
“Shahed 161” əsasən kəşfiyyat və müşahidə məqsədləri üçün nəzərdə tutulub. O, buraxılış qurğusundan havaya qalxır və iki ədəd 50 kq-lıq bomba ilə optik avadanlıq daşıya bilir.
Günel Verdiyeva
11:21 13.11.2025
Oxunuş sayı: 1515