Ermənistan Ukraynadan taxıl almaq istəyir — Rusiya mediası
Ermənistan siyasi səbəblərə görə Rusiyadan asılılığı azaltmaq və Ukraynaya dəstək məqsədilə bu ölkədən müəyyən miqdarda taxıl almağı planlaşdırır.
Crossmedia.az xəbər verir ki, bu barədə Rusiya Xarici Kəşfiyyat Xidmətinin (SVR) mətbuat bürosuna istinadla Rusiya mediası məlumat yayıb. Məlumata görə, illərlə Rusiyadan taxıl idxal edən Ermənistan indi “Moskvanın təsirindən uzaqlaşmaq” və Kiyevdən məhsul alaraq “siyasi jest” göstərmək istəyir.
Bununla belə, Ermənistanın Baş naziri Nikol Paşinyan yayılan xəbərləri təkzib edib. O, bu məlumatları “tamamilə anlaşılmazlıq” adlandıraraq, Ermənistanın Rusiyayla ərzaq sahəsində əməkdaşlığı davam etdirdiyini bildirib.
Eyni zamanda Paşinyan əlavə edib ki, Rusiya ilə ticarət əlaqələri möhkəmlənməkdə davam edir. Onun sözlərinə görə, yaxın vaxtlarda 132 vaqonluq Rusiya buğdası Azərbaycandan və Gürcüstandan keçməklə Ermənistana çatdırılacaq.
Türkan Kərimli
19:33 12.11.2025
Oxunuş sayı: 1583
