Baş nazirin müavini: Azərbaycan İran və Rusiya ilə mehriban qonşuluq və bərabərhüquqlu tərəfdaşlıq prinsiplərinə sadiqdir
Azərbaycan Respublikası həm İran İslam Respublikası, həm də Rusiya Federasiyası ilə münasibətlərində mehriban qonşuluq, qarşılıqlı anlaşma və bərabərhüquqlu tərəfdaşlıq prinsiplərinə sadiqdir.
Crossmedia.az xəbər verir ki, bunu Baş nazirin müavini Şahin Mustafayev Bakıda keçirilən Azərbaycan, Rusiya və İran hökumət nümayəndələrinin üçtərəfli görüşündə deyib.
Şahin Mustafayev bildirib ki, bu xüsusda, əminik ki, hər iki ölkə ilə çoxşaxəliəlaqələrimiz bundan sonra da həm ikitərəfli, həm də üçtərəfli müstəvidə dostluq və qarşılıqlı faydalı əməkdaşlıq ruhunda inkişaf edəcək, yeni məzmunla daha da zənginləşəcək: “Dövlətlərarası münasibətlərin qarşılıqlı hörmət və bir-birinin daxili işlərinə qarışmamaq prinsipləri əsasında daha da inkişaf etdirilməsinin və gücləndirilməsinin vacibliyini xüsusi qeyd etmək istərdim”.
10:28 13.10.2025
Oxunuş sayı: 4204
