Xarici xəbərlər

“Trampın sülh planı Ukrayna üçün ciddi təhlükə yaradır” - hərbi ekspertlər

Bild qəzetinin müsahibə apardığı hərbi ekspertlər Donald Trampın Rusiyaya Donbasın bütün ərazisini döyüşsüz təhvil vermək təklifini Ukrayna üçün böyük təhlükə kimi qiymətləndirirlər.

Crossmedia.az xəbər verir ki, Bundesver Universitetinin siyasi elmlər professoru Karlo Masala bildirir ki, hazırda masada olan atəşkəs təklifləri yalnız hərbi baxımdan Rusiyanın xeyrinədir.

Ekspertin sözlərinə görə, əgər Ukrayna Silahlı Qüvvələri ölkə ərazisinin bir hissəsini döyüşmədən tərk edərsə, bu, Rusiyaya Mərkəzi Ukraynaya yaxınlaşmaq imkanı verəcək. Təhlükəsizlik zəmanətləri olmadan “istənilən vaxt Rusiyanın döyüşləri yenidən başlatması mümkündür.”

Hərbi analitik Torsten Haynrikh isə əlavə edir ki, belə bir torpaq imtinası Ukraynanın uzun müddət rusların hücumlarını dayandıran müdafiə istehkamlarını Rusiyaya verməsi deməkdir. Üstəlik, Ukrayna böyük şəhərləri, mədənləri və sənaye obyektlərini itirərək gücünü daha da zəiflədəcək.