Fransada azərbaycanlı ailənin uşaqları əllərindən alınıb
Avqustun 6-da Paris aeroportunda Mehmed Quliyev və Gültac Abdullayevaya məxsus ailədən iki kiçik uşaq — iki yaşlı və altı aylıq — alınıb.
Crossmedia.az xarici mətbuata istinadən xəbər verir ki, bir neçə il Almaniyanın Dortmund şəhərində yaşayan ailənin uşaqlarına, kiçik uşağın doğumundan sonra irəli sürülən zorakılıq ittihamları səbəbindən Avropanı tərk etmək qadağan olunub. Valideynlərin sözlərinə görə, bu ittihamlar yalandır: “Bunların heç biri doğru deyil. Necə ola bilər? Biz uşaqlarımıza çox yaxşı baxırıq. Onlara zərər verməyimizə nə ehtiyac var? Bu şikayətlərdən sonra Almanyada Yugenamt (ailədaxili zorakılıq, uşaqların hüquqlarının qorunması və sosial müdafiə məsələləri ilə məşğul olan qurum ) müdaxilə etdi. Əvvəlcə məni xəstəxanadan buraxmadılar. Sonra evimizə uşaq baxımı üçün türk müəlliməsi göndərdilər. Amma bu qadınla münasibətimiz alınmadı. Hər dəfə uşağa baxmaq qaydaları ilə bağlı bəhanələr gətirirdi. Nəticədə uşaqları götürüb doğma yurda dönməyə qərar verdik. Lakin Parisə çatanda belə hadisə baş verdi".
Gələn günlərdə uşaqların Avropanı tərk etməsi qadağasının ləğvi ilə bağlı məhkəmə keçiriləcək. Fransadakı Azərbaycan səfirliyi vəziyyətdən xəbərdardır və prosesi izləyir.
Pərvin Hacıyeva
16:49 09.08.2025
Oxunuş sayı: 1196
