“NBC News”: Uduzan tərəflər Çin, Rusiya və İrandır
Bu gün ABŞ prezidenti Donald Tramp Ağ Evdə Ermənistan və Azərbaycan arasında sülh sazişinin imzalanması mərasimini keçirəcək.
Crossmedia.az xəbər verir ki, bu barədə “NBC News” nəşri yazıb.
Nəşr qeyd edib ki. saziş, Trampın sözləri ilə deyilsə, “Beynəlxalq sülh və rifah üçün Tramp yolu”nu Cənubi Qafqaz regionu vasitəsilə açır.
Tramp administrasiyasının yüksək vəzifəli rəsmisi “NBC News”a bildirib ki, ötən gün yayılan bəyanatdan sonra onlara doqquz fərqli operator müraciət edib. Onların arasında marşrutun istismarı ilə maraqlanan üç ABŞ şirkəti də var.
“Bu, həm ABŞ biznesinə, həm də bütövlükdə Avropanın enerji təchizatına böyük təsir göstərəcək. Burada uduzan tərəflər Çin, Rusiya və İrandır. Qazanan isə Qərbdir”, - deyə administrasiyanın yüksək vəzifəli rəsmisi sazişdən əvvəl jurnalistlərlə telefon danışığında deyib.
21:10 08.08.2025
Oxunuş sayı: 966
