Komitə əməkdaşları Aktaudakı Azərbaycan Mərkəzində olublar
Diasporla İş üzrə Dövlət Komitəsinin əməkdaşları Qazaxıstana səfər çərçivəsində Aktau şəhərindəki Şahmərdan Yessenov adına Xəzər Yeni Texnologiyalar Universitetinin nəzdində komitənin dəstəyi ilə fəaliyyət göstərən "Azərbaycan Mərkəzi" İctimai Fondunda olublar.
Komitənin şöbə müdiri Əli Baytalov universitetdə təhsil alan azərbaycanlı tələbələrlə görüş zamanı diaspor fəaliyyəti haqqında danışıb. Onların bu istiqamətdə görə biləcəyi işlər, diasporun inkişafı sahəsində həyata keçiriləcək tədbirlər mövzusunda müzakirə aparılıb. Mərkəzin direktoru İlkin Orucov Mərkəzin layihələri haqqında məlumat verərək hazırda Universitetdə təhsil alan 100-dən artıq azərbaycanlı tələbənin hər birinin Mərkəzin fəaliyyətində aktiv iştirak etdiyini bildirib.
Daha sonra Universitetin vitse-prezidenti Kayırbek Kaldanbekoviç ilə görüş baş tutub. Görüşdən sonra komitə əməkdaşları təhsil müəssisəsinin nəzdində yeni istifadəyə verilmiş texnoparkın fəaliyyəti ilə tanış olublar.
02:14 30.04.2025
Oxunuş sayı: 9253
