Dövlət Komitəsi ilə DSX arasında birgə Tədbirlər Planı imzalanıb
Dini Qurumlarla İş üzrə Dövlət Komitəsi ilə Dövlət Sərhəd Xidməti (DSX) arasında 2025-ci il üçün birgə Tədbirlər Planı imzalanıb.
Crossmedia.az xəbər verir ki, bu barədə komitədən məlumat verilib.
Bildirilib ki, Tədbirlər Planına əsasən, cari il ərzində multikultural və tolerantlıq dəyərlərinin təbliği, həmçinin vətənpərvərlik hisslərinin aşılanması istiqamətində tədbirlərin həyata keçirilməsi nəzərdə tutulur.
Eyni zamanda, dini radikalizmə qarşı mübarizənin səmərəliliyinin artırılması məqsədilə müxtəlif mövzularda görüşlərin təşkili planlaşdırılır.
Təşkil olunacaq tədbir və seminarlarda Dövlət Komitəsinin nümayəndələri, ilahiyyatçılar, həmçinin DSX əməkdaşları iştirak edəcəklər.
15:23 14.02.2025
Oxunuş sayı: 35162
