Almaniya Rusiya səfirini Xarici İşlər Nazirliyinə çağırıb
Almaniya Xarici İşlər Nazirliyi Rusiyanın Kiyevdəki diplomatik nümayəndəliklərlə bağlı xəbərdarlıqlarından sonra Rusiyanın səfirini çağırıb.
Crossmedia.az xarici KİV-ə istinadən xəbər verir ki, Avropa İttifaqı isə diplomatlarının Kiyevdə fəaliyyətini davam etdirəcəyini bildirib. Belə ki ə, Aİ-nin Ukraynadakı səfiri Katarina Maternova qeyd edib ki, Moskvanın məqsədi qorxu və panika yaratmaqdır, lakin bu cəhdlər uğursuz olacaq.
Eyni zamanda Rusiya Təhlükəsizlik Şurasının sədr müavini Dmitri Medvedev Avropa diplomatlarına dair sərt açıqlamalar verib və Aİ-nin Kiyevdəki mövcudluğunu davam etdirməsini tənqid edib.
Digər tərəfdən, Ukrayna Belarus istiqamətindən yarana biləcək təhlükələrə hazır olduğunu açıqlayıb. Ukrayna Silahlı Qüvvələrinin pilotsuz sistemlər üzrə komandanı Robert Brovdi bildirib ki, Kiyev mümkün eskalasiya halında Belarus ərazisində 500 hədəfi müəyyən edib.
08:47 27.05.2026
Oxunuş sayı: 57
