İran danışıqlar üçün Livana hücumların dərhal dayandırılmasını tələb edib
İran parlamentinin sədr müavini Əli Nikzad danışıqlarla bağlı İranın əsas şərtini açıqlayıb.
Crossmedia.az xəbər verir ki, bu barədə o “Əl-Manar”telekanalına müsahibəsində danışıb.
İran parlamentinin sədr müavini bildirib ki, rəsmi Tehran üçün istənilən danışıqların başlıca şərti Livana qarşı hücumların tam dayandırılmasıdır.
Nikzad qeyd edib ki, İran və Cənubi Livan cəbhəsi bir bütöv kimi qiymətləndirilir və tərəflər arasında sıx əlaqə mövcuddur. O vurğulayıb ki, Hizbullah İranın, İran isə Hizbullahın ruhudur.
Bundan əlavə, siyasətçi Hörmüz boğazının İran üçün strateji əhəmiyyətinə diqqət çəkib. Onun sözlərinə görə, bu bölgə ölkənin ən mühüm üstünlüklərindən biri hesab olunur və Tehran bu nəzarətdən imtina etməyəcək.
Nikzad əlavə edib ki, hazırda İranın bu strateji imkanına dair beynəlxalq səviyyədə şübhə qalmayıb.
13:17 03.05.2026
Oxunuş sayı: 54
