Fənn olimpiadalarının rayon (şəhər) mərhələsində Qarabağ regionu üzrə 1900-dan çox şagird iştirak edib
Yanvarın 18-də cari tədris ili üzrə Respublika Fənn olimpiadalarının rayon (şəhər) mərhələsi keçirilib. Bu mərhələdə Qarabağ regionu üzrə 1900-dan çox şagird iştirak edib.
Crossmedia-az xəbər verir ki, bu barədə Qarabağ Regional Təhsil İdarəsindən məlumat verilib. Fənn olimpiadaları 8,9,10,11-ci sinif şagirdləri arasında 7 fənn (riyaziyyat, fizika, kimya, biologiya, Azərbaycan dili və ədəbiyyatı, tarix və coğrafiya) üzrə 7 mərkəzdə keçirilib.
Bu il ilk dəfə Ağdam rayon Xıdırlı kənd tam orta məktəbinin şagirdləri də olimpiadada iştirak ediblər.
Olimpiadanın rayon (şəhər) mərhələsinin nəticələri www.portal.edu.az platforması və iştirakçıların təhsil aldıqları ümumi təhsil müəssisələri vasitəsilə elan olunacaq.
19:24 18.01.2026
Oxunuş sayı: 2056
