Ermənistan hökuməti: Fransadakı şüarlar II Qaregin ilə bağlı narazılığın nəticəsidir
Ermənistan baş nazirinin aparat rəhbərinin müavini Taron Çaxoyan bildirib ki, Fransada II Qareginə qarşı səslənən şüarlar kilsə rəhbərinə yönəlmiş narazılığın ifadəsidir.
Crossmedia.az yerli KİV-ə istinadən xəbər verir. Çaxoyanın sözlərinə görə, bu reaksiyanın kökündə “kilsə rəhbərinin fəaliyyəti ilə bağlı narazılıqlar” dayanır və məhz buna görə II Qaregin ictimaiyyət qarşısına çıxmaqdan çəkinir.
O qeyd edib ki, Fransada səslənən “utanmazsan, get!” kimi şüarlar II Qareginə (mənbədə “Ktriç” kimi göstərilir) yönəlmiş ittihamlara cavab mahiyyəti daşıyır. Çaxoyan iddia edib ki, bu narazılıq “monaşlıq andının pozulması, siyasi fəaliyyətlə məşğul olmaq, kilsəni kommersiya mərkəzinə çevirmək” kimi ittihamlardan qaynaqlanır.
Məlumata görə, bu hadisə II Qareginin nadir hallarda xalqın qarşısına çıxdığını bir daha göstərir. “İndi çoxlarına onun niyə ictimaiyyət önünə çıxmaqdan qaçdığı aydın olur”, - deyə o bildirib.
13:28 05.12.2025
Oxunuş sayı: 1733
