İsrail Livanda “Hizbullah”a qarşı hava zərbələri endirdi
İsrail Hərbi Hava Qüvvələrinin Livanın şərqində, Bəqə vadisində yerləşən hərbi düşərgələrə endirdiyi zərbələr “Hizbullah” hərəkatına açıq xəbərdarlıq xarakteri daşıyır. Bu barədə İsrailin müdafiə naziri İsrael Kac məlumat verib.
Crossmedia.az xəbər verir ki, bu barədə CNN məlumat verib.
Nazirin sözlərinə görə, zərbələr “Hizbullah”ın “Rədvan” xüsusi təyinatlı qüvvələri vasitəsilə döyüş qabiliyyətini bərpa etməyə çalışmasına qarşı yönəlib.
“Bu, həm Hizbullaha, həm də atəşkəs razılaşmasına əməl etmək öhdəliyi olan Livan hökumətinə açıq siqnaldır”,deyə Kac vurğulayıb.
O qeyd edib ki, İsrail öz təhlükəsizliyini təhdid edən istənilən cəhdə qarşı tədbir görməkdə qərarlıdır.
Nigar Rəhimova
16:53 15.07.2025
Oxunuş sayı: 8050
