İtaliyanın müdafiə naziri NATO-nun mövcud formasının aktuallığını sual altına aldı
İtaliyanın müdafiə naziri Quido Krozetto NATO-nun bu günkü formasının artıq əvvəlki əhəmiyyətini itirdiyini bildirib.
Crossmedia.az xarici mediaya istinadən xəbər verir ki, onun sözlərinə görə, son 30 ildə qlobal geosiyasi balans dəyişib və ABŞ ilə Avropa artıq dünya siyasətində tək mərkəz deyillər.
Nazir qeyd edib ki, əvvəllər dünya siyasətində əsas rolu ABŞ və Avropa İttifaqı oynayırdısa, bu gün artıq "bütün digər dünya" mövcuddur və onlarla yeni münasibətlər qurulmalıdır.
Krozetto xatırladıb ki, NATO tarixən sülhün təminatı və kollektiv müdafiə məqsədilə yaradılıb. Lakin müasir dövrdə bu qurum “tamamilə yeni bir struktura” çevrilməli və qlobal Cənub ölkələri ilə əməkdaşlığa açıq olmalıdır.
"Hazırkı formada NATO artıq mənasını itirir. Alyans XXI əsrin reallıqlarına uyğunlaşmalı və qəbul etməlidir ki, ABŞ və Aİ artıq dünya proseslərinin yeganə mərkəzi deyil", – deyə İtaliya müdafiə naziri vurğulayıb.
14:55 22.06.2025
Oxunuş sayı: 840
