İranın cavabı gecikmədi: İsrailin paytaxtına zərbələr endirildi - FOTO
ABŞ-nin İranın Fordo, Nətənz və İsfahan şəhərlərində yerləşən nüvə obyektlərinə hava zərbələri endirməsindən dərhal sonra Tehran cavab tədbirlərinə başlayıb.
Crossmedia.az xəbər verir ki, İranın həyata keçirdiyi raket hücumları nəticəsində İsrailin paytaxtı Təl-Əvivdə bir neçə obyekt vurulub. Yerli mənbələr 2 binanın tamamilə dağıldığını bildirir.
Hadisə anı ərazidə olan müşahidə kameraları tərəfindən qeydə alınıb.
Kadrlarda partlayışın gücü və Təl-Əvivdə yaranan dağıntılar açıq şəkildə görünür. Raketlərin dəqiq hansı silah sistemindən buraxıldığı açıqlanmasa da, zərbələrin ciddi struktur ziyanına səbəb olduğu qeyd olunur.
İran rəsmiləri hadisəni ABŞ-nin regiondakı hərbi müdaxiləsinə cavab kimi qiymətləndirib və gərginliyin artacağı təqdirdə daha genişmiqyaslı əməliyyatlara hazır olduqlarını bəyan ediblər.
Qeyd edək ki, bölgədə baş verən son hadisələr Yaxın Şərqdə münaqişənin daha da dərinləşməsi təhlükəsini artırıb.
Aybəniz Səfərova
11:14 22.06.2025
Oxunuş sayı: 9556
