Qətər XİN: "İran–İsrail münaqişəsinin həlli üçün dialoqun bərpasına çalışırıq"
Qətərin baş naziri və xarici işlər naziri Məhəmməd bin Əbdürrəhman əl-Tani bölgədə artan gərginliyin azaldılması və davamlı sülhün təmin olunması məqsədilə İran və İsrail arasında diplomatik dialoqun bərpası istiqamətində səylərin davam etdiyini bildirib.
Crossmedia.az xəbər verir ki, bu barədə o, İstanbulda İslam Əməkdaşlıq Təşkilatının Xarici İşlər Nazirləri Şurasının iclası çərçivəsində iranlı həmkarı Abbas Əraqçı ilə keçirilən görüş zamanı danışıb.
Əl-Tani vurğulayıb ki, Doha mübahisəli məsələlərin sülh yolu ilə həllinə, regional və qlobal təhlükəsizliyin möhkəmləndirilməsinə yönəlmiş təşəbbüslərin dəstəklənməsi üçün tərəfdaş ölkələrlə fəal əməkdaşlıq edir.
21:59 21.06.2025
Oxunuş sayı: 9113
