Husilərdən xəbərdarlıq: "ABŞ hücum etsə, gəmilər hədəf alınacaq"
Yəməndə İranın dəstəklədiyi husilərin hərbi sözçüsü Yəhya Səri bildirib ki, ABŞ-nin İrana qarşı mümkün hücumuna sərt cavab veriləcək.
Crossmedia.az İran mətbuatına istinadən xəbər verir ki, o, bu bəyanatı bölgədə artan gərginlik fonunda səsləndirib.
Səri vurğulayıb ki, Vaşinqtonun İrana qarşı istənilən hərbi müdaxiləsi İsrailin regionda nəzarəti ələ keçirmək planına xidmət edir:
“Əgər ABŞ belə bir addım atarsa, Qırmızı dənizdəki hərbi gəmiləri birbaşa hədəfimiz olacaq”.
Husi rəsmisi həmçinin iddia edib ki, İsrail ABŞ-nin dəstəyi ilə İranda rejim dəyişikliyinə nail olmağa çalışır.
Qeyd edək ki, iyunun 13-də İsrail İranın bir sıra hərbi və nüvə obyektlərinə hücumlar həyata keçirib.
Nəticədə yüksək rütbəli hərbçilər və nüvə alimləri həlak olub. İranın cavab zərbələri nəticəsində isə İsraildə 25 nəfərin öldüyü, 2517 nəfərin yaralandığı açıqlanıb.
Aybəniz Səfərova
21:00 21.06.2025
Oxunuş sayı: 7214
