Paris küçələrində antimusəlman vərəqələr yayılıb
Fransanın paytaxtı Parisin müxtəlif bölgələrində islamofob məzmunlu vərəqələrin yayılması yerli sakinlər və hüquq müdafiəçiləri arasında ciddi narahatlıq doğurub.
Crossmedia.az xəbər verir ki, bu barədə xarici KİV məlumat yayıb.
Vərəqələrin üzərində "Müsəlmanlar üçün qadağan olunmuş zona" ifadəsi yer alıb. Bu təxribat xarakterli çağırışlar ölkədə artan antimusəlman əhval-ruhiyyəsinin növbəti təzahürü kimi qiymətləndirilir.
Qeyd edək ki, mütəxəssislər və hüquq müdafiəçiləri bu insidenti Fransada son illər daha da güclənən islamofobiya meyillərinin təhlükəli siqnalı kimi dəyərləndirirlər.
Hadisə ilə bağlı hüquq-mühafizə orqanları tərəfindən nifrət zəminində iğtişaş və ayrı-seçkilik salmaq ittihamı ilə araşdırmalara başlanılıb.
Fatimə Məmmədova
16:33 21.06.2025
Oxunuş sayı: 7839
