Putin: "İranın dinc məqsədli nüvə proqramı inkişaf etdirməyə haqqı var"
Rusiya Prezidenti Vladimir Putin bildirib ki, İranın mülki məqsədlərlə nüvə proqramını inkişaf etdirmək və atom texnologiyalarından dinc məqsədlərlə istifadə etmək hüququ var.
Crossmedia.az xəbər verir ki, bu barədə xarici media məlumat yayıb.
"İranın nüvə texnologiyalarından dinc məqsədlərlə istifadə etmə proqramlarına haqqı var", – deyə Putin vurğulayıb.
Putin əlavə edib ki, Rusiya əvvəlki illərdə olduğu kimi, İranın dinc atom proqramını inkişaf etdirməsinə yardım göstərməyə hazırdır. O, həmçinin qeyd edib ki, Rusiya nüvə silahlarının yayılmasının qarşısının alınması mövqeyinə sadiq qalır.
"Rusiya Federasiyasının mövqeyi ondan ibarətdir ki, biz dünyanın heç bir ölkəsi, o cümlədən İran tərəfindən kütləvi qırğın silahlarının yayılmasının əleyhinəyik", – Putin qeyd edib.
Həmçinin, Putin vurğulayıb ki, Beynəlxalq Atom Enerjisi Agentliyi (MAQATE) İranın nüvə silahı hazırlaması ilə bağlı heç bir sübut aşkar etməyib.
"İran dəfələrlə bəyan edib ki, nüvə silahı yaratmağa can atmır. MAQATE-nin də bu istiqamətdə hər hansı sübutu və ya əlaməti yoxdur", – Putin bildirib.
Fatimə Məmmədova
15:40 21.06.2025
Oxunuş sayı: 9328
