Xarici xəbərlər

Putin: “İranda rejim dəyişikliyi Yaxın Şərqi cəhənnəmə çevirər”

Rusiya Prezidenti Vladimir Putin İran-İsrail münaqişəsi və regiondakı geosiyasi vəziyyətlə bağlı açıqlama verib.

Crossmedia.az xarici mənbəyə istinadən xəbər verir ki, dövlət başçısı Rusiyanın münaqişənin həlli ilə bağlı təkliflərinin hazırda müzakirə olunduğunu və kompromisli bir yolun mümkün olduğunu bildirib:

“Rusiyanın təklifi hazırda İran və İsrail tərəfindən nəzərdən keçirilir. Kompromis ehtimalı istisna edilmir”.

Putin həmçinin İranda rejim dəyişikliyi ssenarilərinə qarşı çıxdığını vurğulayıb:

“İranda rejim dəyişikliyi Yaxın Şərqi cəhənnəmə çevirər. Ümumiyyətlə, bu məsələdə qərarı yalnız İran xalqı verə bilər. Xarici müdaxilə ilə həyata keçirilən dəyişikliklərin nəticələrini biz artıq Suriyada, İraqda, Ukraynada gördük”.

🖨 Çap et

22:28 20.06.2025

Oxunuş sayı: 922