GYF-də “Xeyirxah Əllər, Xoşbəxt Gələcəklər” adlı xeyriyyə sərgisinin açılış mərasimi keçirilib
Bugün Gəncliyə Yardım Fondunda Azərbaycan və Türkiyə xanımlarının birgə əməyinin bəhrəsi olan ənənəvi XXI əl işləri Xeyriyyə Sərgisinin açılış mərasimi keçirilib. Torpaqlarımızın azadlığı və ölkəmizin suverenliyi uğrunda həlak olmuş şəhidlər bir dəqiqəlik sükutla yad edilib və Azərbaycan Respublikasının dövlət himni və Türkiyə Cumhuriyyətinin İstiqlal marşı ilə tədbir açıq elan edilib. Sərginin açılış mərasimində Türkiyənin Azərbaycandakı səfirliyin müşavirləri, hökumət nümayəndələri, elm adamları və QHT rəhbərləri iştirak edib.
Gəncliyə Yardım Fondunun prezidenti Ahmet Tecim xeyriyyə sərgisinin açılış mərasimində iştirak edən qonaqları salamlayıb və hər kəsə təşəkkürünü bildirib. Gəncliyə Yardım Fondunun 32 illik təhsil, humanitar və sosial fəaliyyətlərindən söz açaraq, artıq ənənə halını almış Azərbaycan və Türkiyə xanımlarının birgə əməyinin bəhrəsi olan bu sərginin mahiyyətindən danışıb. Ahmet Tecim builki sərgidə əməyi türkiyəli və azərbaycanlı xanımlara minnətlarlığını bildirib, sərginin fəaliyyətinə uğurlar arzulayıb.
Türkiyə Cumhuruyyətinin Bakıdakı fövqəladə və səlahiyyətli səfiri Prof. Dr. Birol Akgünün həyat yoldaşı Zöhrə Akgün çıxış edərək sərgidə əməyi keçən Azərbaycan və Türkiyəli xanımlara öz təşəkkürünü bildirib. Bu kimi fəaliyyətlərin dövlətlərlə yanaşı cəmiyyətin birlik və bərabərliyinə müsbət təsir etdiyini ifadə edib.
Şimali Kipr Türk Respublikasının Bakıdakı nümayəndəliyinin rəhbəri Ufuk Turganer hər il ənənəvi olaraq təşkil olunan bu sərginin böyük bir əhəmiyyət kəsb etdiyini vurğulayıb və belə gözəl sərgi təşkil edildiyinə görə təşəkkürünü bildirib.
Milli QHT Forumunun sabiq prezidenti Rauf Zeyni Gəncliyə Yardım Fondunun 32 il ərzində böyük işlər gördüyünü, təkcə gənclərə yox, bütün müstəbilərdə faydalı fəaliyyət göstərdiyini vurğulayıb.
Tədbirin sonunda “Bizim Ailə” jurnalının baş redaktoru Dr. Gülnarə Seyidova xeyriyyə sərgisinin təşkilat komitəsi adından çıxış edərək sərginin ərsəyə gəlməsindəki əsas məqsədlər haqqında tədbir iştirakçılarına məlumat verib. Dr. Gülnarə Seyidova builki sərgidən əldə olunan vəsitin Gəncliyə Yardım Fondunun “Sabaha Ümid, Həyata Sevgi!” layihəsi çərçivəsində valideyn himayəsindən uzaq olan uşaqlar və ehtiyac sahibi ailələrin övladlarına dəstək olunacağaını bildirib.
Qeyd edək ki, hər il ənənəvi olaraq Gəncliyə Yardım Fondunun təşkilatçılığı ilə “Azərbaycan və Türkiyə xanımlarının əl işləri Xeyriyyə Sərgisi” təşkil edilir. Sərgidən əldə olunan vəsait Azərbaycan xalqının milli problemlərinə həsr olunur. Belə ki, keçən illərdə təşkil edilən sərgilər; “Xocalıya Yardım”, “Qarabağ Suallar və Faktlar” kitabının nəşri, “Yeddi Uşaq Evinə Yardım”, “Qocalar Evinə Yardım”, “Uşaqlar Arasında Dişlərə Qulluq Mədəniyyətinin Formalaşması”, “Qarabağ Suallar və Faktlar” kitabının türk dilində nəşri, “25 əlilə əlil arabası” “50 imkansız tələbəyə bir illik təqaüd” və “Yüz imkansız ailəyə bir illik ərzaq yardımı”, “101 Arzunu Gerçəkləşdir”, “101 Ehtiyac Sahibi Ailəyə Yardım” “Körpələri Sevindirək”, “Ümidsizlərin Ümidi Ol!”, “Bir Həyata Yol Ver!”, “Şəhidlərimizin Övladları Bizə Əmanətdir” kimi layihələrə həsr edilmişdir. Bunu da qeyd edək ki, ənənəvi xeyriyyə sərgisinə Azərbaycan xalqının marağı yüksək səviyyədədir.
Hər kəsi 3 gün davam edəcək xeyriyyə sərgimizə dəvət edirik.
13:55 01.05.2025
Oxunuş sayı: 726
