İntensiv yağışlar kənd təsərrüfatı sektoruna necə təsir etdi? - Rəsmi açıqlama
Son aylarda ölkə ərazisində müşahidə olunan intensiv yağışlar kənd təsərrüfatına xeyri olduğu qədərdə ziyanlarıda oldu. Ümumən normadan artıq yağıntı təsərrüfata ziyan vurur hətta məhv edir.
Bəs maraqlıdır ölkəmizdə yağan intensiv yağışlardan sonra vəziyyət necədir və bunun məhsuldarlığa hər hansısa mənfi təsirləri olubmu?
Məsələ ilə bağlı Kənd Təsərrüfatı Nazirliyi Aparatının Strateji planlaşdırma, təhlil və hesabatlılıq şöbəsinin Hesabatlılıq sektorunun müdiri Şövqi Lələşov Crossmedia.az-a açıqlamasında iqlim dəyişikliyi fonunda ölkəmizdə də qeyri-sabit hava şəraiti müşahidə olunduğunu və bunun kənd təsərrüfatında da təsirsiz ötüşmıdiyini qeyd edib: "Temperatur dəyişmələri və intensiv yağıntılar kənd təsərrüfatına təsir göstərən əsas amillərdən biridir. Son günlər müşahidə olunan yağıntılı hava şəraiti kənd təsərrüfatının müxtəlif sahələri üçün həm müəyyən risklər yaradır, həm də mühüm faydalar verir. Məlumdur ki, kənd təsərrüfatı bitkiçilik, heyvandarlıq və balıqçılıq kimi geniş sahələri əhatə etdiyindən, yağıntıların bu sahələrə təsiri də fərqli olur. Heyvandarlıq baxımından yağıntılar təbii otlaq sahələrinin inkişafına şərait yaradır, yaşıl yem bazasını genişləndirir. Bu isə yem xərclərinin azalmasına və fermerlər üçün daha əlverişli şəraitin formalaşmasına səbəb olur. Balıqçılıq sahəsində yağıntılar su hövzələrinin su balansının artmasına kömək edir ki, bu da balıq ehtiyatlarının çoxalmasına müsbət təsir göstərir. Bitkiçilik sahəsində isə, xüsusilə dəmyə əkinçilik aparılan ərazilər üçün yağıntılar mühüm əhəmiyyət daşıyır. Hazırda dağlıq və dağətəyi zonalarda dənli bitkilərin inkişafının aktiv mərhələsi müşahidə olunur. Noxud, arpa və digər kənd təsərrüfatı bitkiləri üçün optimal rütubət şəraiti məhsuldarlığın yüksəlməsinə şərait yaradır. Kartof əkinlərində də yağıntıların təsiri nəticəsində məhsuldarlığın artacağı gözlənilir".
O bildirib ki, fermerlər qeyri-sabit və yağıntılı hava şəraitində bir sıra vacib məqamlara diqqət yetirməlidirlər: "Yağıntıların normadan artıq olması hallarında aqrotexniki və fitosanitar tədbirlər gücləndirilməlidir. Əkin sahələrində suyun toplanmasının qarşısı alınmalı, drenaj sistemləri daim işlək vəziyyətdə saxlanılmalıdır. Yüksək rütubət bitkilərdə göbələk və bakterial xəstəliklərin inkişaf riskini artırdığından, bağ və əkin sahələrində mütəmadi monitorinqlər aparılmalı, vəziyyətə uyğun qabaqlayıcı tədbirlər görülməlidir.Bu variant xəbər, müsahibə və ya ekspert rəyi formatında təqdimat üçün daha uyğundur".
Aqrar Xidmətlər Agentliyindən isə sorğumuza cavab olaraq məhsuldarlığın azalmasının qarşısını almaq, bitkilərin bərpasını sürətləndirmək və fermerlərin itkilərini minimuma endirmək məqsədilə bir sıra aqrotexniki tədbirlər həyata keçirildiyi bildirilib:
"Son illər iqlim dəyişikliklərinin təsiri nəticəsində güclü külək, dolu, leysan yağışları, sel və daşqınlar, eləcə də digər təbii fəlakətlər kənd təsərrüfatına ciddi təsir göstərir. Məhsuldarlığın azalmasının qarşısını almaq, bitkilərin bərpasını sürətləndirmək və fermerlərin itkilərini minimuma endirmək məqsədilə bir sıra aqrotexniki tədbirlər həyata keçirilir. Belə ki, qırılmış və zədələnmiş budaqlar sanitariya budaması yolu ilə təmizlənir. Ağacların xəstəliklərə yoluxmasının qarşısını almaq məqsədilə kəsik yerləri xüsusi bağ məhlulları və ya mühafizə vasitələri ilə işlənir. Dolu və mexaniki zədələrdən sonra göbələk mənşəli xəstəliklərin eləcə də zərərvericilərin yayılma riskini azaltmaq üçün profilaktik mübarizə tədbirləri görülür və müasir becərmə üsulları tətbiq olunur. Leysan yağışları nəticəsində torpaqda yaranan sıxlaşmanın aradan qaldırılması üçün cərgəaralarında yumşaltma işləri aparılır, suyun durğun qaldığı sahələrdə drenaj tədbirləri həyata keçirilir. Bitkilərin stress vəziyyətindən çıxarılması üçün yarpaq və köküstü qidalandırma tədbirləri aparılır, mineral gübrələrdən və biostimulyatorlardan istifadə edilir. Bununla əlaqədar olaraq Aqrar Təlim Mərkəzi tərəfindən bölgələrdə maarifləndirici tədbirlər həyata keçirilir".
Elmir Heydərli
15:03 05.06.2026
Oxunuş sayı: 65
