Qızıl ixracı artır – bəs ölkə daxilində niyə ucuzlaşmır?
Azərbaycanın qızıl ixracından əldə etdiyi gəlirin 46 %-dən çox artması ölkənin xarici ticarət balansında mühüm irəliləyiş kimi qiymətləndirilir. Qlobal bazarlarda qızılın qiymətinin yüksəlməsi və ixrac həcmlərinin artması bu dinamikanı şərtləndirən əsas amillər sırasında göstərilir. Lakin yaranan bu sual diqqət çəkir: ixracdan əldə olunan gəlirin artması ölkə daxilində qızılın qiymətinə necə təsir edir?
Mövzu ilə bağlı iqtisadçı Natiq Cəfərli Crossmedia.az-a açıqlama verib:
“Azərbaycanda qızılın qiyməti beynəlxalq birjalarla müəyyənləşir. Bu idxal-ixrac əməliyyatlarından yaxud gəlirlərdən asılı deyil. Bir anlıq düşünək ki, Azərbaycanda qızıl ucuzlaşdı. Bu zaman hamı Azərbaycandan qızılı aparıb Türkiyədə, BƏƏ-də satacaq. Ona görə də, qızıl hasilatının artıb azalması dünya birjasındakı qiymətlərə təsir göstərə bilər amma Azərbaycanda yox”.
Ayhan
17:30 30.04.2026
Oxunuş sayı: 58
