"Xbox" insan həyatını belə xilas edir
Texnoloji cihazlarımız həyatımızın ayrılmaz hissəsinə çevrilib. Smartfonlardan kompüterlərə, oyun konsollarından ağıllı saatlara qədər bu cihazlar gündəlik həyatımızı asanlaşdırır. Ancaq bəzən bu cihazların gözlənilməz şəkildə həyatları xilas etdiyini də görürük.
Crossmedia.az xəbər verir ki, hadisə bel çantasındakı konsolla velosiped sürərkən baş verib. Yoldakı kol-kos səbəbilə qovşaqda o, yolu görə bilmir. Bu zaman qəfil yük maşını peyda olur və istifadəçini vurur.
"Reddit" istifadəçisi əvvəlcə yük maşınının bamperindən yapışa bildiyini, lakin sürücünün onu görmədiyini və buna görə də maşının altında qaldığını bildirib. Bel çantası onun yerə dəyməsinə mane olub. Zərbənin təsirindən bel çantası qırılıb, içərisindəki konsol və nəzarətçi ciddi zədələnib.
Lakin bu zərər istifadəçini daha ciddi xəsarətlərdən qoruyub. Velosiped dəbilqəsi taxmadığını bildirən şəxs konsolun başına vura biləcək zərbəni özünə çəkdiyini və kürəyini sıyrılmalardan qoruduğunu bildirib.
Qəzada sol ayağı sınmış və kiçik cızıqlar alan "Xbox" sahibi də ağır kəllə-beyin travmasından xilas olub. İstifadəçi hadisəyə sübut kimi zədələnmiş, lakin hələ də işləyən konsolun fotolarını paylaşıb.
Tərlan Əmrahova
12:16 05.12.2024
Oxunuş sayı: 6747
