İranda İsrail kəşfiyyatı ilə əlaqəli şəxs saxlanılıb
İranın təhlükəsizlik qüvvələri Tehranda keçirilən etirazlar adı altında fəaliyyət göstərən və İsrailin kəşfiyyat xidməti (MOSSAD) ilə əlaqəsi olan bir şəxsi həbs edib.
Bu barədə Crossmedia.az "Tasnim"in verdiyi məlumata istinadən xəbər verir.İstintaq məlumatlarına görə, saxlanılan şəxs MOSSAD agentləri ilə əlaqə, təlim və cəlb etmə metodlarını izah edib. Onun sözlərinə görə, insanları sosial şəbəkələr — Instagram və Telegram vasitəsilə, onların fəaliyyəti və “layklara” görə seçiblər, onlara müxtəlif tapşırıqların yerinə yetirilməsində dəstək vəd olunub.
İlk gündən ona nə etməli, nə etməməli olduğu barədə göstərişlər verilmişdi.
İstintaqın məlumatına görə, ilkin tapşırıqları vətəndaşların evlərinə baş çəkməkdən ibarət olsa da, sonradan əməliyyatlar bazarlara yönəldilib. Tapşırıqlar getdikcə maliyyə ödənişləri ilə həyata keçirilirdi və bütün göstərişlər ona yalnız bir mobil telefon vasitəsilə çatdırılırdı.
Mehriban İbrahimli
15:25 05.01.2026
Oxunuş sayı: 2734
