Medvedevdən ABŞ-yə sərt reaksiya: Yaşasın nüvə silahı!
Rusiya Təhlükəsizlik Şurası sədrinin müavini Dmitri Medvedev ABŞ-nin Venesuelada həyata keçirdiyi hərbi əməliyyata kəskin münasibət bildirib. O, bu hadisəni ironiya ilə tənqid edib və baş verənləri beynəlxalq hüquq normalarının pozulması kimi dəyərləndirib.
Crossmedia.az xəbər verir ki, bu barədə xarici KİV məlumat yayıb.
Medvedev qeyd edib ki, ABŞ-nin bu addımı guya “sülhməramlı missiya” çərçivəsində atılıb. “Müstəqil bir ölkədə, heç bir təhdid yaratmayan Venesuelada sərt hərbi əməliyyat keçirildi. ABŞ xüsusi təyinatlıları qanuni yolla seçilmiş prezidenti həyat yoldaşı ilə birlikdə saxladı. Təbii ki, bütün bunlar guya Konqresin razılığı və beynəlxalq hüquqa uyğun şəkildə baş verib”, – deyə o, istehzalı şəkildə bildirib.
O, Avropanın susqunluğunu da tənqid edərək qeyd edib ki, bu cür aqressiv addımlar Latın Amerikasında ABŞ-yə qarşı nifrəti daha da artıracaq.
Medvedev Ukrayna ilə bağlı da sərt ifadələr işlədib. O bildirib ki, ABŞ bu cür qərarlı tədbiri Venesuela yox, Ukrayna ilə bağlı görməli idi. “Kiyevdəki narkotik asılılığında olan rejim artıq nəzarətdən çıxıb və ABŞ-nin sözünə baxmır. Bəlkə də Banqovadakı rəhbərliyi də Venesuela ssenarisi ilə “toplamaq” vaxtıdır", – deyə o, ironik şəkildə əlavə edib.
Fatimə Məmmədova
10:50 05.01.2026
Oxunuş sayı: 2665
