Britaniya və Fransa aviasiyası Suriyada İŞİD hədəfinə birgə zərbə endirib
Böyük Britaniyanın Müdafiə Nazirliyi bildirib ki, Kral Hərbi Hava Qüvvələrinə məxsus Eurofighter Typhoon FGR4 döyüş təyyarələri Fransa Hərbi Hava Qüvvələrinin təyyarələri ilə birlikdə Suriyanın mərkəzində, Palmira yaxınlığında İŞİD tərəfindən işğal edilmiş yeraltı obyektə birgə hava zərbəsi endirib.
Crossmedia.az xarici KİV-ə istinadən xəbər verir ki, əməliyyat şənbə günü, yanvarın 3-də həyata keçirilib və britaniyalı qırıcıların fəaliyyəti Voyager KC2 havadan yanacaq doldurma tankerinin dəstəyi ilə təmin olunub.
Nazirlikdən bildirilib ki, zərbənin məqsədi İŞİD-in bölgədəki əməliyyat imkanlarını zəiflətmək və terror qruplaşmasının infrastrukturunu məhv etmək olub. Əməliyyatın nəticələri ilə bağlı əlavə qiymətləndirmə aparılır.
Türkan Kərimli
16:55 04.01.2026
Oxunuş sayı: 2708
