Azərbaycanda qeyri-islam dini icmaların sayı 39-a yüksəlib
Azərbaycanda qeyri-islam dini icmalarının sayı 39-a çatıb.
Crossmedia.az xəbər verir ki, bu barədə Dini Qurumlarla İş üzrə Dövlət Komitəsinin sədr müavini Gündüz İsmayılov ABŞ-nin İsa Məsihin Sonuncu Gün Müqəddəsləri Kilsəsinin Bakı ofisinin açılış mərasimində jurnalistlərə açıqlamasında məlumat verib.
Onun sözlərinə görə, indiyədək Azərbaycanda 38 qeyri-islam dini icması fəaliyyət göstərirdi:
"ABŞ-nin İsa Məsihin Sonuncu Gün Müqəddəsləri Kilsəsinin Bakı ofisinin də qeydiyyata alınması ilə bu say artıq 39-a çatıb".
G.İsmayılov bildirib ki, bugünkü mərasim Azərbaycanda vicdan azadlığının təmin olunmasının bariz göstəricisidir:
"Azərbaycanda tarixən formalaşan multikultural mühüm mövcuddur. Bu hadisə həm də onu göstərir ki, dövlət dini icmaların fəaliyyəti üçün hər cür şərait yaradır. Bundan sonra da dini icmalara dövlət tərəfindən lazımi dəstək göstəriləcək".
13:57 13.11.2025
Oxunuş sayı: 1527
