Azərbaycanın kimya sənayesi məhsulları ixracından gəlirləri 19% artıb
Cari ilin yanvar-sentyabr aylarında Azərbaycandan xaricə 837,4 min ton kimya sənayesi məhsulları ixrac edilib.
Crossmedia.az bu barədə Dövlət Gömrük Komitəsindən məlumat əldə edib.
Məlumata görə, bu miqdarda kimya sənayesi məhsullarının ixracından əldə olunan gəlir 252,5 milyon ABŞ dolları olub.
Sözügedən məhsulların ixracı ötən ilin eyni dövrü ilə müqayisədə həcm ifadəsi ilə 13,9 min ton və ya 1,7%, dəyər ifadəsi ilə 40,7 milyon ABŞ dolları, yaxud da 19,2% artıb.
Kimya sənayesi məhsullarının ixracı cari ilin ilk doqquz ayının ixracına nisbətən 1,36%-ni, qeyri-neft sektoru üzrə ixracına nisbətən isə 9,53%-ni təşkil edib.
11:25 16.10.2025
Oxunuş sayı: 1609
