“The Economist” Azərbaycanın iqtisadi artım proqnozunu yaxşılaşdırıb
“The Economist Group”un araşdırma və təhlil bölməsi olan “Economist Intelligence Unit” (EIU) Azərbaycanın iqtisadi artım proqnozunu yaxşılaşdırıb.
Crossmedia.az xəbər verir ki, EIU ölkə iqtisadiyyatının 2025–2029-cu illərdə sabit templə artacağını açıqlayıb.
“The Economist” Azərbaycanın 2025-ci il üzrə real ÜDM-in artım proqnozunu 2,9%-dən 3,4%-ə kimi, 2026-cı il üzrə 2,9%-dən 3,1%-ə kimi artırıb. 2027-ci il üzrə iqtisadi artım proqnozu dəyişməyərək 3,1%, 2028-ci il üzrə isə 3,2% müəyyən edilib. EIU 2029-cu ildə Azərbaycanda 3,5% iqtisadi artım olacağını gözləyir.
Nominal ÜDM isə 2025-ci ildə 145,4 mlrd. manat, 2026-cı ildə 154,6 mlrd. manat, 2027-ci ildə 174,6 mlrd. manat, 2028-ci ildə 192,0 mlrd. manat, 2029-cu ildə isə 212,6 mlrd. manat səviyyəsində proqnozlaşdırılır.
Qeyd edək ki, Dövlət Statistika Komitəsinin açıqlamasına görə, bu ilin ilk 8 ayında Azərbaycanda iqtisadi artım 1% təşkil edib. 2026-ci ilin büdcə layihəsində isə ölkədə ortamüddətli iqtisadi artım 3,5% səviyyəsində proqnozlaşdırılıb. Cari il üzrə bu rəqəm 3%, 2026-cı il üzrə 2,9%, 2027-ci il üzrə 3,3%, 2028-i il üzrə 3,1% və 2029-cü il üzrə 4,8% müəyyən edilib.
12:19 19.09.2025
Oxunuş sayı: 3596
