2026-cı il üzrə icmal büdcənin gəlir və xərc proqnozu açıqlanıb
2026-cı ildə icmal büdcənin gəlirləri 44 milyard 825.3 milyon manat səviyyəsində proqnozlaşdırılıb ki, bu da 2025-ci ilin təsdiq olunmuş göstəricisinə nəzərən 874.7 milyon manat və ya 2 faiz çoxdur.
Crossmedia.az xəbər verir ki, bu, Maliyyə Nazirliyinin “Azərbaycan Respublikasının 2026-cı ilin dövlət və icmal büdcələrinin ilkin göstəricilərinə dair açıqlama”sında əksini tapıb.
İcmal büdcə xərcləri isə növbəti ildə 48 milyard 683.1 milyon manat proqnozlaşdırılmışdır ki, bu da 2025-ci ilin təsdiq olunmuş göstəricisi ilə müqayisədə 1 milyard 53.7 milyon manat və ya 2,2 faiz çoxdur.
Qeyd edək ki, 2026-cı il üzrə icmal büdcədə 3 milyard 857.8 milyon manat büdcəkəsri (defisit) olacağı proqnozlaşdırılıb.
10:17 16.09.2025
Oxunuş sayı: 3933
