Şahin Bağırov TDT-nin Gömrük Administrasiyaları Rəhbərlərinin iclasında iştirak edəcək
Azərbaycan Qazaxıstanda keçiriləcək Türk Dövlətləri Təşkilatının (TDT) Gömrük Administrasiyaları Rəhbərlərinin XI İclasında təmsil olunacaq.
Crossmedia.az xəbər verir ki, iclas sentyabrın 6-8-də Türküstan şəhərində baş tutacaq.
Azərbaycandan bu tədbirdə Dövlət Gömrük Komitəsinin sədri Şahin Bağırov iştirak edəcək.
Məlumata görə, Türk Dövlətləri Təşkilatının Gömrük Administrasiyaları Rəhbərlərinin iclasında qəbul edilmiş qərarların icrası çərçivəsində bir neçə ekspert görüşünün keçirilməsi və bir sıra sənədlərin razılaşdırılması nəzərdə tutulub.
Qeyd edək ki, Türk Dövlətləri Təşkilatının Gömrük Administrasiyaları Rəhbərlərinin X İclası bu ilin yanvar ayında Bakıda keçirilib.
13:26 01.09.2025
Oxunuş sayı: 3957
