Nağdsız ödənişlərdə artım: BKM üzərindən əməliyyatlar 3,6 milyard manata çatdı
Bu ilin avqustun 1-nə Azərbaycanda Banklararası Kart Mərkəzi (BKM) vasitəsilə 75,284 milyon ədəd həcmdə 3,589 milyard manat emal olunmuş ödəniş əməliyyatları aparılıb.
Bu barədə Crossmedia.az Azərbaycan Mərkəzi Bankından məlumat əldə edib.
Məlumata əsasən, bu, 2024-cü ilin eyni dövrü ilə müqayisədə həcm ifadəsində 19,5 milyon ədəd və ya 34,9%, məbləğ baxımından isə 874 milyon manat və ya 32,2% çoxdur.
Qeyd edək ki, Banklararası Kart Mərkəzi (BKM) – bank kartları ilə aparılan ödənişlərin təhlükəsiz və sürətli şəkildə emalını, yəni banklar arasında ödənişlərin düzgün ötürülməsi və yekunlaşdırılmasını təmin edən texnoloji və maliyyə infrastrukturudur.
Sadə dillə desək, BKM bir növ “körpü” rolunu oynayır – fərqli bankların kartları ilə edilən ödənişlərin bir-birinə düzgün çatmasını təmin edir.
15:41 30.08.2025
Oxunuş sayı: 984
